Autoriteti Rrugor Shqiptar (ARRSH) bën të ditur se gjatë natës dhe në orët e para të mëngjesit ka pasur reshje bore në akset Pogradec-Korçë, Korçë-Qafë Qarri, në Dardhë dhe në Llogara. Sipas ARRSH-së, mjetet borëpastruese kanë punuar për pastrimin e borës dhe shpërndarjen e kripës. “Qarkullimi vijon pa probleme në të gjitha akset nacionale”, informoi ARRSH. ARRSH apelon drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.
