Reshje bore në Vermosh dhe Theth, ARRSH: Po punohet për pastrimin e rrugëve

Autoriteti Rrugor Shqiptar bën të ditur se në aksin rrugor Tamarë-Vermosh dhe në atë Qafë Thore-Theth kanë nisur reshje bore. Sipas ARRSH-së, gjatë natës dhe në orët e para të mëngjesit ka rënë intensiteti i reshjeve të shiut në të gjithë vendin. ”Në aksin Tamarë-Vermosh dhe Qafë Thore-Theth ka pasur reshje dëbore, po punohet për pastrimin. Për momentin në aksin Shkodër-Lezhë në pikën Harku i Bedicës, vazhdon devijimi i makinave në rrugën e Gurit të Zi dhe në Dedaj-Bogë vazhdon devijimi për në rrugën alternative”, bën të ditur ARRSH. ARRSH informon se kontraktorët me mjete e punëtorë janë në terren për të mbajtur qarkullimin në normalitet. Po ashtu apelon drejtuesit e mjeteve për kujdes të shtuar gjatë drejtimit të mjetit në kohë me shi, të ulin shpejtësinë, dhe respektojnë sinjalistikën dhe udhëzimet e Policisë Rrugore.https://ata.gov.al/2022/11/21/reshje-bore-ne-vermosh-dhe-theth-arrsh-po-punohet-per-pastrimin-e-rrugeve/