Republika Çeke 680 milionë euro për strehimin e refugjatëve ukrainas

Autoritetet federale dhe lokale në Republikën Çeke kanë shpenzuar të paktën 680 milionë euro (662 milionë dollarë) për strehimin dhe furnizimet për refugjatët ukrainas, njoftoi sot Ministria e Financave. Rreth 285 milionë euro janë shpenzuar për përfitime sociale, 143 milionë euro për kujdesin shëndetësor dhe 100 milionë euro për strehim. Që nga fillimi i pushtimit rus në fund të shkurtit, 445 870 ukrainas kanë marrë mbrojtje të përkohshme në Republikën Çeke, sipas një raporti të fundit nga Ministria e Brendshme. Mbi 120 000 refugjatë ukrainas kanë fituar punësim dhe për këtë arsye po paguajnë taksa dhe kontribute sociale. Vendi anëtar i BE-së dhe NATO-s ka një popullsi prej rreth 10.5 milionë banorësh, duke përjashtuar ata me status të mbrojtjes së përkohshme. Ministri çek i Punëve dhe Çështjeve Sociale, Marian Jurecka bëri thirrje për një paketë të re të posaçme ndihme nga Komisioni Evropian për vendet anëtare që kanë pranuar një numër kryesisht të lartë të refugjatëve ukrainas.http://ata.gov.al/2022/10/13/prage-republika-ceke-680-milione-euro-per-strehimin-e-refugjateve-ukrainas/