Sipas të dhënave të publikuara në Bilancin e Pagesave të Bankës së Shqipërisë, prurjet valutore të emigrantëve, për vitin 2024 arritën në 1,05 miliardë euro.
Krahasuar me një vit më parë, remitancat u rritën me 12,5%.
Italia, Greqia, Gjermania dhe Anglia kryesojnë, si vendet prej nga vijnë prurjet më të larta për shkak të numrit të lartë të emigrantëve që jetojnë e punojnë në këto shtete.
BSH-ja vëren se, nivelet e larta të remitancave, shpenzimet e turistëve, investimet e huaja direkte kanë qenë faktorët kryesorë në zhvlerësimin e fortë të valutave në përgjithësi dhe euros në veçanti.
