Në shkollat e mesme të vendit po zhvillohen raundet e fundit të ndeshjeve në basketboll dhe volejboll për djem dhe vajza. Ky kampionat organizohet në kuadër të programit “Ekipet Sportive në Shkolla”, i cili ka filluar të zbatohet në vitin 2021 duke përfshirë mbi 10 mijë fëmijë dhe të rinj që trajnohen tri herë në javë me bazë materiale të siguruar nga qeveria shqiptare. Çdo fëmijë e i ri sportist i përfshirë në programin e ekipeve sportive merr falas të gjithë bazën e nevojshme materiale për të zhvilluar trajnimet dhe ndeshjet sportive si pjesë e kampionateve sportive në nivel bashkie, qarku dhe kombëtar.
