Rajoni,Europa Moti-E Premte 24 Shkurt 2023

Republika e Kosovës prej disa ditësh po ndodhet nën ndikimin e masave ajrore të qëndrueshme, të cilat parashikohet të sjellin mbizotërim të motit të kthjellët gjatë paradites në një pjesë të mirë të vendit. POR në pjesën e dytë të ditës pritet që të kemi zhvillim të vranësirave në vend, KU gjatë pasdites dhe kryesisht mbrëmjes i gjithë territori i Kosovës do të jetë në dominimin e vranësirave kalimtare.Vlerat e larta barike që po mbizotërojnë në Ballkanin Jugore do të ndikojnë në kushtet e motit edhe në MV, KU pritet që gjatë paradites të ketë intervale të gjata me kthjellime kryesisht në zonat perëndimore dhe Jugore të vendit. Ndërsa pasditja dhe mbrëmja do të sjellin shtim gradual të vranësirave në të gjithë territorin e MV, POR nuk do të mund të gjenerojnë reshje. Europa Lindore do të vijoj të dominohet nga masat ajrore të ftohta dhe të paqëndrueshme të cilat do gjenerojnë reshje dëbore. Po ashtu MBETET qëndra e kontinentit dhe Brigjet Veriperënidmore të rajonit të Ballkanit me vranësira të shpeshta të cilat do të gjenerojnë herë pas here reshje shiu të shoqëruara me mini stuhi ere. Ndërsa Brigjet e Egjeut dhe Gadishulli Iberik do të jenë në mbizotërimin e motit të qëndrueshëm. Gjithashtu edhe Europa Veriore do të jetë me alternime kthjellimesh dhe vranësirash, KU më të dukshme vranësirat do të jenë në Britanin e Madhe.