Një optometriste me bazë në Toronto po tregon se si grimi i papërshkueshëm nga uji, ose siç njihet ‘Waterproof’ mund të dëmtojë sytë.
“Grimi i papërshkueshëm nga uji nuk tretet në lotët tanë. Në fakt mund të ngjitet në sy dhe të bllokojë gjëndrat tona të vajit që prodhojnë vaj në lotët tanë,” shpjegon doktoreshe Alexa Hecht.
Në klipin prej 37 sekondash në rrjetet sociale, ajo nxjerr në pah fotot e njerëzve për të cilët thotë se u përballën me pasojat e përdorimit të produkteve të grimit të papërshkueshëm nga uji si eyeliner, bojë për vetulla dhe rimel.
“Në skenarë vërtet të këqij, mund të ngecë poshtë qepallës tuaj dhe mund të bllokohet atje dhe të shkaktojë acarim dhe tharje të syve”.
Ajo gjithashtu vuri në dukje se “ka shumë kimikate që gjenden në grimin e papërshkueshëm nga uji për t’i bërë ato të zgjasin më gjatë”.
Substancat per dhe polifluoroalkil janë një grup i diskutueshëm kimikatesh të përdorura pjesërisht për t’i bërë produktet të papërshkueshme nga yndyrat, të papërshkueshëm nga uji, ngjitës dhe rezistent ndaj njollave.
Vërejtjet e doktoreshës mund të vijnë si një zhgënjim për adhuruesit e grimit që preferojnë produkte të papërshkueshëm nga uji, sepse e mbajnë grimin e tyre të paprekur për një periudhë të gjatë.
Në një video vijuese nga qershori, ajo theksoi se “një studim i kohëve të fundit zbuloi se një pjesë e madhe e ‘mascara’ të papërshkueshëm nga uji në treg përmbajnë në të vërtetë kimikate toksike të njëjtat që gjenden në enët e gatimit”.
Kimikatet e bëjnë kozmetikën të vështirë për t’u hequr, argumenton Hecht, duke bërë që përdoruesit të përjetojnë acarim, humbje të qerpikëve dhe rrudha rreth syve të tyre kur pastrojnë grimin.
Produkte të tjera grimi kundër të cilave ajo paralajmëron përfshijnë rimelin me shkëlqim dhe nuancën dhe fiksimin e qerpikëve.
