Në kuadër të Ditëve Evropiane të Arkeologjisë, Drejtoria e Shërbimeve Arkeologjike, IKTK, organizoi një diskutim të hapur me qëllim promovimin e vlerave të pasura historike të qytetit antik të Durrësit. Pjesëmarrësit në këtë aktivitet ishin përfaqësues nga Qendra Muzeore Durrës, ekspertë të fushës dhe AADF (Fondacioni Shqiptaro-Amerikan i Zhvillimit). Aktiviteti u zhvillua nisi në Amfiteatrin e Durrësit, ku u diskutua nevoja e domosdoshme për gërmime të mëtejshme arkeologjike brenda kësaj strukture monumentale. Gjithashtu, u bë një prezantim mbi projektin ambicioz të restaurimit dhe rivitalizimit të parkut arkeologjik të Durrësit, duke theksuar rëndësinë e ruajtjes së kësaj perlë historike. Aktiviteti vazhdoi me vizita në monumente të tjera të mrekullueshme duke përfshirë Kullën Veneciane, Forumin Bizantin dhe Termat Romake. Këto lokacione mahnitëse dhanë njohuri të mëtejshme për të kaluarën e gjallë të qytetit, duke i lejuar pjesëmarrësit të përjetojnë trashëgiminë historike në kontakt me të. Qëllimi i këtij aktiviteti ishte promovimi i trashëgimisë arkeologjike dhe njohja e shoqërisë me rëndësinë që ka fusha multidisiplinare e arkeologjisë. atsh
- Advertisment -