Programin BFC SEE,ftesë bashkive për aplikim

Vetqeverisjet vendore nga i tërë rajoni, nga sot kanë mundësinë të aplikojnë për pjesëmarrje në Programin e çertifikimit të qyteteve dhe bashkive me ambient të favorshëm biznesi në Evropën Juglindore (BFC SEE) dhe në këtë mënyrë të avancojnë kushtet për tërheqjen e investimeve dhe zhvillimin më të shpejtë të ekonomisë ekzistuese. Partneriteti për një rajon më konkurrues (CORE Partnership) në bashkëpunim me Bashkëpunimin Gjerman për Zhvillim të zbatuar nga GIZ, kanë një ftesë publike për drejtuesit e vetqeverisjeve vendore që duke ndjekur kriteret e çertifikimit BFC SEE të avancojnë punën dhe efikasitetin e administratës lokale, dhe në këtë mënyrë të meritojnë epitetin e qytetit me klimë të favorshme ekonomike. Ftesa është e hapur për gjithsej 50 vetqeverisje vendore të Europës Juglindore, të cilat deri më tani nuk kanë marrë pjesë në Programin BFC SEE. – Ftesën ia drejtojmë liderëve lokal të orientuar drejt reformave të cilët me anë të pjesëmarrjes në Program hyjnë në garë rajonale për investime të qëndrueshme dhe një standard më të mirë jetësor. Hapi fillestar në këtë proces është që bashkitë të njohin potencialet unike dhe rolin e ekonomisë në krijimin e strategjisë zhvillimore të qëndrueshme. Programi BFC SEE ndihmon në këtë proces sepse jep udhëzime të qarta për ruajtjen e punësimit dhe hapjen e vendeve të reja të punës përmes forcimit të partneritetit me biznesin lokal. Kriteret përcjellin planet zhvillimore dhe hapësinore dhe ndihmojnë që të avancohen kapacitetet organizative, efikasiteti dhe niveli i dixhitalizimit të shërbimeve bashkiake. Standardet rendisin konkurrencën në pikëpamje të tarifave lokale dhe posaçërisht vlerëson mbështetjen për sipërmarrjen, inovacionet dhe ekonominë e gjelbër- thotë Znj.Adelina Farrici, drejtoreshë ekzekutive e Shoqatës për Autonominë Vendore (SHAV). Programi BFC SEE implementohet nga viti 2012 dhe deri më tani më shumë se 100 qytete dhe bashki kanë kaluar nëpër procesin e çertifikimit, kurse aktualisht 45 vetqeverisje vendore posedojnë certifikatën që paraqet një vulë cilësie të mjedisit të tyre të biznesit. Rezultatet e hulumtimit që ka bërë Partneriteti për Rajon Konkurrues tregojnë se më shumë se tri të katërtat e vetqeverisjeve vendore të cilat kanë kaluar nëpër këtë proces, konsiderojnë se ka qenë i dobishëm dhe theksojnë se më së shumti i ka motivuar avancimi i efikasitetit të punës së administratës, tërheqja e investimeve të reja dhe njohja e vetqeverisjes vendore. Gjithsej 98% deklaruan se Programin BFC SEE do t’ia rekomandonin edhe qyteteve dhe bashkive tjera. Procesi i çertifikimit zgjatë 12 muaj dhe fillon me trajnimin e ekipit të bashkive që është përgjegjës për përmbushjen e kritereve të caktuara. Vijon procesi i vlerësimit, gjatë së cilit vlerësohet gjendja aktuale në bashki, pas së cilës kryetarit të bashkisë i dërgohet një raport me rekomandime konkrete për avancim që duhet të implementohet gjatë periudhës së caktuar. Në fund të procesit, komisioni i pavarur verifikues vlerëson nëse bashkia përmbushë kushtet për të marrë certifikatën BFC SEE. “Gëzohemi që bashkitë e Shqipërisë kanë mundësinë që ti bashkangjiten vetqeverisjeve vendore më të suksesshme në rajon kur bëhet fjalë për tërheqjen e investimeve dhe zhvillimin e ekonomisë lokale. Dëshirojmë ti motivojmë që ti bashkohen klubit të më të mirëve në rajon. Certifikata BFC SEE bashkive ju sjell njohje me vetqeverisjet e tjera vendore, duke u pozicionuar në hartën investuese të Europës Juglindore dhe mundësi më të mëdha për tërheqjen e investimeve. Në këtë proces bashkitë fitojnë edhe mundësinë për pjesëmarrje në projektet rajonale që financohen nga donatorët ndërkombëtar dhe mundësinë për shkëmbimin e njohurive me bashkitë më të suksesshme. E gjithë kjo në fund rezulton në krijimin e vendeve të reja të punës dhe jetesë më cilësore të qytetarëve”, thekson Farrici. Për pjesëmarrje në Program, bashkitë e interesuara mund të dërgojnë aplikacionin përmes webfaqes www.bfc-see.org ose të kontaktojnë Shoqatën për Autonominë Vendore (SHAV) [email protected] si Sekretarit Teknik kompetent për implementimin e Programit BFC SEE në Shqipëri. Në periudhën e ardhshme do të organizohet edhe sesioni informativ „Si të arrini standardin ndërkombëtar të çertifikimit BFC SEE“. Me këtë rast të gjithë bashkive të interesuara do të marrin informacion shtesë rreth detajeve dhe kushteve të pjesëmarrjes në Programin BFC SEE. Kriteret për marrjen e certifikatës: Cilësia e mjedisit të biznesit lokal vlersëohet në bazë të më shumë se 60 kritereve të cilat janë të grupuara në 10 kategori. Këto, para së gjithash janë posedimi i planit strategjik për zhvillim me planin e investimeve kapitale infrastrukturore, ekzistencën e Zyrës funksionale për zhvillim ekonomik lokal, si dhe Këshillit Ekonomik për komunikim dhe bashkëpunim të përhershëm me bizneset, me qëllim të krijimit të kushteve më të mira të biznesit. Për çdo vetqeverisje vendore moderne është e domosdoshme edhe që të ketë një sistem efikas për dhënien e lejeve ndërtimore, të sigurojë informacion ku është e mundur të investohet dhe çfarë avantazhesh për investim ofron si dhe të jetë transparente për kostot e biznesit për ekonominë. Është e nevojshme edhe që të posedojë programe të rikualifikimit të fuqisë punëtore sipas nevojave të investitorëve. Posaçërisht vlerësohet nxitja e zhvillimit të sipërmarrësisë përmes stimulimeve dhe lehtësimeve financiare dhe jofinanciare, dedikimin për mbrojtjen e mjedisit dhe zgjidhjes për informim më efikas të qytetarëve dhe biznesit. atsh