Qeveria shqiptare ka nënshkruar në mars të viti që shkoi një marrëveshje me kompaninë amerikane Exxon Mobile, e cila ka marrë përsipër riparimin dhe vënien në punë të termocentralit të Vlorës. Marrëveshja mes dy palëve u nënshkrua në Houston të SHBA-së. Zv/kryeministrja, njëherësh ministre e Infrastrukturës dhe Energjisë, Belinda Balluku deklaroi sot se prodhimi në modulin e parë të Termocentralit të Vlorës do të nis në fund të vitit 2023. “Ne kemi deklaratën e kompanisë e cila thotë se në dhjetor të vitit 2023 do të nis prodhimi në modulin e parë të TEC-it të Vlorës me 100 megavat. Në vitin 2025 të dy modulet e tjera të TEC-it të Vlorës futen në operim duke e rritur kapacitetin me 250 megavat”, deklaroi Balluku. Marrëveshja e nënshkruar mes qeverisë shqiptare dhe kompanive amerikane përmban 3 pika kryesore: futjen e gazit të lëngshëm në Shqipëri, konvertimin e TEC-it të Vlorës që të punojë me këtë gaz si dhe ndërtimi i një terminali të ri gazifikimi, e deri tek shpërndarja në shkallë të vogël e gazit, duke shndërruar Vlorën në një treg rajonal. http://ata.gov.al/2022/09/16/balluku-prodhimi-ne-tec-in-e-vlores-nis-ne-2023/
- Advertisment -