Prodhimi i naftës rritje me mbi 200 mijë tonë, në 2022

Prodhimi i naftës në vend shënoi rritje me mbi 200 mijë tonë në vitin 2022, krahasuar me vitin 2021. Sipas një ankete të publikuar së fundmi nga INSTAT mbi produktet industriale, gjatë vitit 2022 është prodhuar 902.064 tonë naftë, nga 697.662 tonë naftë të prodhuar në vitin 2021. Të dhënat e INSTAT-it, tregojnë se vlera e shitjeve për produktin naftë gjatë vitit 2022 ishte 44.893 milionë lekë, nga 34.225 milionë lekë në vitin 2021, duke u rritur me 31,2 %.