Zëvendëskryeministri i Polonisë, Jacek Sasin tha se vendi i tij ka ndërmarrë hapat e nevojshëm për sigurinë e energjisë dhe shtoi se do të vazhdojnë të nxjerrin qymyr për shumë vite për sa kohë që është baza e sigurisë së energjisë. Duke folur për “Radion e Polonisë”, Sasin tha se Polonia është vend i sigurt për investime. Ai foli për marrëveshjet e centralit bërthamor me Korenë e Jugut dhe SHBA-në dhe vuri në dukje se këto marrëveshje përbëjnë shembull se Polonia është vend i besueshëm. Sasin theksoi se për shkak të luftës Rusi-Ukrainë është përjetuar krizë energjetike. “Periudha e krizës energjetike nënkupton se shteti duhet të ndërhyjë në mekanizmat e tregut. Në të kundërtën çmimi i energjisë për konsumatorët individualë dhe bizneset bëhet aq i lartë saqë kjo bëhet e papërballueshme. Për këtë arsye kemi marrë masat e nevojshme”, tha ai. Ai tha se kanë ndërmarrë hapa për të siguruar gjetjen në çdo vend për qymyrin që nevojitet. “Menjëherë pas shpërthimit të luftës filluam të rrisim importet e qymyrit përmes kompanive që i përkasin shtetit. Do të vazhdojmë të nxjerrim qymyr për shumë vite për sa kohë që është baza e sigurisë së energjisë. Edhe qeveritë lokale kontribuojnë në shpërndarjen e qymyrit në vend. Po hidhen hapat e nevojshëm”, tha Sasin. Qymyri zë një vend të rëndësishëm në shportën e energjisë së Polonisë e cila ka ndalur plotësisht blerjen e gazit natyror nga Rusia. Zyrtarët polakë të cilët akuzohen se nuk kanë ndërmarrë hapa në përputhje me objektivat e klimës, mbrojnë idenë se shqetësimet për emetimet duhet të shtyhen në periudhën e krizës dhe se ata janë besnikë ndaj objektivave.https://ata.gov.al/2022/11/21/fokus-polonia-mbron-perdorimin-e-qymyrit-per-sigurine-e-energjise/
- Advertisment -
Recent Comments
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER