Pesë planetë të dukshëm me sy të lirë

Pesë planetë po lëvizin drejt një shtrirjeje të rrallë, e cila do të jetë e dukshme nga Toka këtë javë, shkruan cbsnews.com. Mërkuri, Venusi, Marsi, Jupiteri dhe Saturni po rreshtohen, në këtë renditje, për herë të parë që nga dhjetori 2004. Të premten, më 24 qershor, fenomeni do të jetë më i dukshëm për astronomët. ”Ndërsa është e zakonshme të shohësh një lidhje të tre planetëve fqinjë, të shohësh pesë është e rrallë”, sipas ”Sky & Telescope”. ”Planetët janë të rreshtuar në rendin e tyre natyror në krahasim me Diellin, gjë që është gjithashtu e jashtëzakonshme”, theksoi Shoqëria Astronomike Amerikane. ”Më 24 qershor vizioni do të jetë optimal. Edhe pse distanca midis Mërkurit dhe Saturnit rritet, po bëhet më e lehtë për të dalluar Mërkurin, kështu që po bëhet gjithnjë e më e lehtë për të parë të pesë planetët”, theksoi Diana Hannikainen, redaktore e ”Sky & Telescope”.