Peru, gërmimet zbulojnë skeletet e 76 fëmijëve të flijuar në mijëvjeçarin e parë pas Krishtit

76 flijime fëmijësh u gjetën si pjesë e gërmimeve të vazhdueshme pranë Huanchaco në Peru. Eshtrat e dhjetëra fëmijëve të sakrifikuar janë zbuluar në Peru dhe shumë të tjerë ka të ngjarë të gjenden ende, thonë arkeologët. Skeletet tregojnë se zemrat e fëmijëve janë hequr dhe se janë varrosur me trupin drejtë me këmbët në drejtim të lindjes. Nuk është e qartë pse flijimet ishin vendosur në këtë pozicion në këtë vend. Gërmimet janë duke u zhvilluar në Pampa La Cruz prej disa vitesh. Deri më tani, 323 viktima të fëmijëve të sakrifikuar.Bazuar në gjetjet arkeologjike ka të ngjarë të ketë shumë më tepër flijime fëmijësh që presin të zbulohen pranë Huanchaco. “Mund të jenë më shumë se 1000 viktima, sado e çmendur që të duket”, tha aerokologu i gërmimeve. Skeletet datojnë midis viteve 1100 dhe 1200 pas Krishtit. Njerëzit që jetuan në Huanchaco gjatë mijëvjeçarit të parë pas Krishtit praktikonin sakrifikimet njerëzore. Pse u kryen sakrifikimet e fëmijëve është e vështirë të thuhet, por mendohet se kjo të ketë ndodhur për rritjen e prodhimit bujqësor në zonë.Ekipi po kërkon leje nga Ministria e Kulturës e Perusë për të transportuar disa mostra jashtë vendit, në mënyrë që ekzemplarët t’i nënshtrohen testimit për të përcaktuar data më të sakta se kur ka ndodhur sakrifikimi i fëmijëve.https://lajme.rtsh.al/artikull/peru-germimet-zbulojne-skeletet-e-76-femijeve-te-flijuar-ne-mijevjecarin-e-pare-pas-krishtit