Ministri i Mbrojtjes, Niko Peleshi informoi sot mbi situatën e zjarreve në vend, ndërsa theksoi se gjendja paraqitet më e mirë gjatë orëve të fundit. Peleshi theksoi se pas një pune të gjatë të trupave të Emergjencave Civile në bashkëpunim me efektivë të FA, nën koordinimin e Agjencisë së Mbrojtjes Civile është bërë e mundur shuarja e pjesës më të madhe të vatrave. Sipas tij, “ka vetëm një vatër aktive zjarri në masivin pyjor Plyk-Kraps-Gjorkos, e cila u riaktivizua pas izolimit një ditë më parë”. Ministri theksoi se po punohet në terren për fikjen e tij. Peleshi shtoi po ashtu se ka përmirësim të situatës në fushën e mbetjeve në Vlorë, por gjendja po mbahet nën monitorim. atsh
- Advertisment -