Një murale ekologjike e Banksyt, që u shfaqën të dielën e kaluar në murin anësor të një ndërtese banimi në Hornsey Road, në zonën e Finsbury Park, në periferi veriore të Londrës, u përdhos gjatë natës së djeshme. Vepra tani është e mbuluar kryesisht me bojë të bardhë, e derdhur në vizatimin origjinal që përshkruan një pemë me degë të zhveshura dhe spërkatje të bojës së gjelbër për të simuluar gjethet, të cilat Banksy ia kishte atribuar vetes përmes rrjeteve të tij sociale.
Muralja, një krijim tjetër artistik, u pikturua përballë një peme të vërtetë të tharë, ende të gjelbër deri vitin e kaluar, dhe tani të krasitur nga të gjitha gjethet e saj përgjatë rrugës në fjalë. Ajo ishte kthyer menjëherë në një destinacion duke tërhequr interesin e turmave të vizitorëve dhe duke ngjallur reagime krenarie nga disa prej banorëve të zonës. Disa prej të cilëve e kishin interpretuar si një shenjë afërsie nga ana e artistit të famshëm të rrugës dhe solidariteti social ndaj tyre. Incidenti u raportua edhe në këshillin lokal bashkiak të rajonit Islington, përgjegjës për zonën, drejtuesit e të cilit bënë të ditur se donin të verifikonin mundësinë problematike të ndonjë forme restaurimi.
