Shtohen hallet për Xhiovani Kolelën përpara ndeshjes me Laçin. Sulmuesi Alfred Mensah ka rezultuar me tërheqje dhe pritet të mungojë për një periudhë të gjatë. Afrikani që debutoi me fanellën e kuqe, disa minuta kundër Egnatias, tashmë i duhet një pushim thuajse një muaj e gjysmë. Mensah i shtohet problemeve që kanë shfaqur edhe Rrapaj apo Matondo. Nëse vlonjuati i mesfushës, pritet të riaftësohet për ndeshjen ndaj Laçit, afrikani i Mesfushës duhet të ketë dakordësinë me doktorin e ekipit për tu aktivizuar, duke qënë se ka pësuar një çarje në kokë ndeshjen kundër Egnatias. Tashmë Kolelës i duhet të mendojë për alternativa në një ndeshje të vështirë që e pret të hënën, atë kundër Laçit. Kurbinasit u dukën ekipi më në formë javën e parë duke mos vënë në vështirësi ndeshjen ndaj teutës dhe duke triumfuar 3-1. Ndeshja e Partizanit ndaj Laçit do të zhvillohet ditën e hënë në orën 19.30 në “Elbasan Arena”.https://sport.rtsh.al/artikull/partizani-ne-alarm-demtohet-mensah
- Advertisment -