Parisi i premton Zelenskyt ndihma të reja ushtarake

Franca premtoi mbështetje të re ushtarake për Kievin për mbrojtjen e tij kundër Moskës, ndërsa Presidenti ukrainas Volodymyr Zelensky bëri një udhëtim të paparalajmëruar në Paris, të dielën në mbrëmje. ”Furnizimet e reja do të përmbushnin nevojat më urgjente dhe imediate për të forcuar mbrojtjen e Ukrainës”, thuhet në një deklaratë të përbashkët Ukrainë-Francë të lëshuar nga Pallati Elysee. Deklarata tha se ”Parisi do të vazhdojë të ndihmojë Kievin duke fokusuar përpjekjet e tij në mbështetjen e aftësive të mbrojtjes ajrore të Ukrainës në mënyrë që të mbrojë popullsinë e saj kundër sulmeve ruse”. Deklarata u publikua pas një darke pune treorëshe midis presidentit francez Emmanuel Macron dhe Zelensky, i cili bëri një udhëtim të papritur në Francë pas vizitave në Gjermani dhe Itali. atsh