Papa Leone XIV mori një dhuratë aspak të zakontë … një kalë të bardhë.
Papa Prevost në fakt di të kalërojë. Këto kafshë janë të pranishme edhe në rezidencën papnore në Castel Gandolfo. Kur ai ishte misionar në Peru, ai përdorte kalin si mjet transporti nga një fshat në tjetrin.
Kali, i quajtur Proton, është i racës së pastër arabe, paraardhësit e të cilit vijnë nga Gadishulli Arabik. Ai lindi në fermën më të vjetër polake të kullotave, të themeluar mbi 200 vjet më parë në Janów Podlaski.
Kali iu dhurua Papës nga një famullitar i Kishës së Shën Adalbertit në Londër.
Donatori synon që kali të nxirret në ankand, me të ardhurat që do të shkojnë për të ndihmuar të varfrit dhe nevojtarët.
