Papa Françesku e ka përshkruar ideologjinë gjinore si rrezikun më të madh të kohëve aktuale duke argumentuar se ajo shfuqizon dallimet dhe i bën të gjitha të njëjta. “Heqja e dallimeve do të thotë zhveshje e njerëzimit nga fuqia”, theksoi udhëheqësi i Kishës Katolike gjatë një auditori. ”Përkundrazi, ekziston një tension i frytshëm midis burrit dhe gruas”, shtoi Papa.
Papa Françesku, 87 vjeç, lexoi vetëm një pjesë të fjalimit të tij, ndërsa pjesa tjetër u lexua nga një anëtar i stafit të tij. Sipas Vatikanit, ”Papa vuan prej disa ditësh nga një grip i lehtë”. “Unë kam ende një të ftohtë dhe lodhem kur lexoj për një kohë të gjatë”, shtoi ai. Françesku po përjeton probleme shëndetësore prej disa kohësh. Muajt e fundit ai ka pasur disa herë edhe probleme me inflamacionin e rrugëve të frymëmarrjes
