Papa Françesku ka deklaruar se nuk ka ndërmend të japë dorëheqjen dhe nuk po vuan nga ndonjë problem shëndetësor që do ta kërkonte këtë, shkruan apnews.com. ‘’Kam ende shumë projekte për të përfunduar”, theksoi Ati i Shenjtë. Françesku, 87 vjeç, e komentoi këtë në një autobiografi, “Life: My Story Through History”, e cila do të publikohet të martën, në 11 vjetorin e vendosjes së tij si Papë. Në kujtimet, të shkruara me gazetarin italian Fabio Marchese Ragona, Françesku gjurmon momentet kyçe të jetës së tij dhe kryqëzimin e tyre me ngjarjet botërore (Lufta e Dytë Botërore, diktatura ushtarake argjentinase dhe intrigat e Vatikanit) dhe se si ata së bashku informojnë prioritetet e tij si papë. Në mënyrë domethënëse, ai trajton spekulimet e përsëritura në lidhje me problemet e tij shëndetësore, kritikat nga konservatorët dhe çfarë të dyja mund të nënkuptojnë për të ardhmen e papatit të tij.
