Papa Françesku u nis për një vizitë triditore në Kazakistan, ku do të marrë pjesë në një takim ndërkombëtare të feve. Kreu i Kishës Katolike u nis sot herët nga Roma. Pas uljes së avionit në Nur-Sultan, kryeqyteti i Kazakistanit, është planifikuar një pritje nga presidenti Kassym-Jomart Tokayev dhe diplomatët e vendit. Ky është udhëtimi i tretë jashtë vendit këtë vit për papën 85-vjeçar, i cili vuan nga probleme me gjurin dhe e kalon shumicën e kohës në karrige me rrota. Në kryeqytetin Nur-Sultan, i cili është quajtur Astana deri në vitin 2019, i ashtuquajturi Kongresi i Liderëve të Botës dhe Feve Tradicionale do të zhvillohet për të shtatën herë. Për herë të parë, një papë merr pjesë në këtë takim të organizuar nga qeveria e Kazakistanit. Papa Françesku gjithashtu planifikon të mbajë një meshë. Takimi me patriarkun ortodoks rus, Kirill i Moskës, për të cilin Vatikani kishte shpresuar, nuk do të zhvillohet bëhet, pasi lideri rus i fesë, i cili ka mbështetur gjithmonë luftën e nisur në Ukrainë nga presidenti Vladimir Putin, nuk do të udhëtojë për në Nur-Sultan.https://ata.gov.al/2022/09/13/kazakistan-papa-francesku-i-pranishem-ne-kongresin-boteror-te-feve/
- Advertisment -