Papa Françesku dënon djegien e Kuranit

Papa Françesku ka dënuar djegien e Kuranit dhe ka shprehur “zemërimin dhe neverinë” e tij për incidentin e fundit në Stokholm, kur dy burra dogjën një kopje të librit të shenjtë mysliman. “Ndihem i zemëruar dhe i neveritur nga këto veprime,” i tha ai gazetës ”al-Ittihad” të Emirateve të Bashkuara Arabe. “Çdo libër që konsiderohet i shenjtë duhet të respektohet nga respekti për ata që besojnë në të dhe liria e shprehjes nuk duhet të përdoret kurrë si justifikim për të përbuzur të tjerët”, shtoi ai. Dy burra morën pjesë në një protestë në kryeqytetin suedez ku librit të shenjtë islamik iu vu zjarri të mërkurën, ditën e parë të festës myslimane të Kurban Bajramit. Disa vende me shumicë myslimane dënuan incidentin dhe kritikuan diplomatët suedezë duke thënë se akti nxit urrejtje dhe nuk duhet të konsiderohet fjalë e lirë. atsh