Ruajtja e traditave dhe përçimi i tyre në breza ishte kryefjalë e panairit “Art, Zeje dhe Sport” të organizuar në sheshin “Gjergj Kastrioti” në Lezhë. Me punimet e tyre artizanale, fëmijët e 47 shkollave 9-vjeçare dhe të mesme në Lezhë përveç emocioneve, përcollën mesazhe të forta që kanë të bëjnë me ruajtjen e zakoneve, këngëve, valleve dhe traditave shqiptare, të cilat janë ruajtur me fanatizëm nga të parët tanë dhe i kanë sjellë deri më sot të pandryshuara. Në këtë aktivitet morën pjesë mbi 2 mijë nxënës, të cilët shprehën talentin e tyre në fusha të ndryshme të artit dhe kulturës. atsh
- Advertisment -