Federata Palestineze e Futbollit i ka bërë thirrje për pezullimin “të menjëhershëm” të Izraelit nga FIFA, organit qeverisës botëror të futbollit. “Topi është në fushën tuaj”, iu drejtua presidenti i Federatës Palestineze të Futbollit, Jibril Rajoub, presidentit të FIFA-s, Gianni Infantino, në takimin e Bangkok-ut. Për të zgjidhur këtë çështje, FIFA do të orientohet përmes këshillave ligjore, bëjnë të ditur burime pranë saj. Një seancë e jashtëzakonshme e bordit të drejtorëve është caktuar më 20 korrik për të shqyrtuar analizën ligjore dhe për të vendosur se si do të procedohet’’, theksoi Infantino. Federata e Futbollit të Izraelit, ndërkohë, e quajti kërkesën palestineze një “përpjekje cinike” për të dëmtuar futbollin izraelit.
