Zëvendëskryeministrja, njëherazi dhe ministre e Infrastrukturës dhe Energjisë, Belinda Balluku informoi sot se, grupet e punës së Operatorit të Sistemit të Transmetimit janë të angazhuar në terren në të gjithë vendin për t’iu përgjigjur avarive dhe ofruar furnizimin me energji elektrike. Zv/kryeministrja Balluku u shpreh se, të gjithë punonjësit e OST janë në gatishmëri të plotë deri në normalizimin e situatës. “Në krye të detyrës pavarësisht terrenit tejet të vështirë dhe motit të përkeqësuar”, u shpreh Balluku, teksa ndau video me pamje nga puna në terren pavarësisht kushteve të vështira. Gjatë 48 orëve të fundit vendi ynë u përfshi nga reshje intensive të shiut, të cilat sollën probleme në furnizimin me energji në disa zona të vendit, sidomos në veri. Ekipet e OST ndodhen në terren për çdo avari duke siguruar furnizim me energji për qytetarët. ATSH
- Advertisment -