OECD: Ekonomia globale do të rritet me 2.6% në 2023

Organizata për Bashkëpunim dhe Zhvillim Ekonomik (OECD) parashikon një ngadalësim të ekonomisë globale. Pas rritjes 3.2% vitin e kaluar, prodhimi ekonomik pritet të rritet me vetëm 2.6% këtë vit dhe 2.9% në 2024. Kjo është nën tendencën e rritjes afatgjatë, deklaroi OECD në Paris. ”Megjithatë, disponimi midis konsumatorëve dhe pronarëve të bizneseve po përmirësohet ngadalë, presionet inflacioniste po lehtësohen dhe Kina po hapet sërish”, thekson OECD. Për Gjermaninë, OECD pret që norma e inflacionit të bjerë nga 8.7% në 6.7% në 2023. Në vitin 2024, vlera pritet të bjerë më tej në 3.1%. Gjermania mund të shpresojë për një rritje të lehtë prej 0.3% të prodhimit të brendshëm bruto, sipas të dhënave. Organizata thotë se pasiguria rreth rrjedhës së luftës së Rusisë kundër Ukrainës mbetet problemi kryesor për ekonominë globale. atsh