Numri i të huajve me leje qëndrimi në Shqipëri, rritje me 9.6 % në 2021-shin

Të huajt me origjinë nga Evropa, në vitin 2021 përbëjnë 59,1 % të të huajve rezidentë në vendin tonë, kundrejt 56,8 % që ishin në 2020. Arsyeja për punësim është arsyeja kryesore e lejeve të qëndrimit të të huajve në Shqipëri në 2021. INSTAT publikoi sot raportin “Të huajt në Shqipëri” për vitin 2021, sipas të cilit, numri i të huajve me leje qëndrimi në Shqipëri rezultoi 14.921 banorë, duke pësuar rritje me 9,6 %, krahasuar me 2020-ën. Të huajt rezidentë me origjinë nga Irani, Italia dhe Kosova përbëjnë numrin më madh të të huajve me leje qëndrimi në Shqipëri në 2021, respektivisht me 2586, 2324 dhe 1869 banorë. Në vitin 2021 janë evidentuar 10.062 të huaj të parregullt në territorin e vendit ku pjesën më të madhe të tyre, e zënë të huajt me origjinë nga Siria dhe Afganistani, me 67 %.https://ata.gov.al/2022/08/22/numri-i-te-huajve-me-leje-qendrimi-ne-shqiperi-rritje-me-9-6-ne-2021-shin/