Njofton për vendosjen e taksave ndaj kompanive të energjisë

Gjatë një fjalimi në Parlamentin Evropian sot në Strasburg, presidentja e Komisionit Evropian, Ursula von der Leyen njoftoi një propozim legjislativ për të vendosur taksa të papritura ndaj kompanive të energjisë. “Taksat do të vënë në dispozicion mbi 140 miliardë euro (139.6 miliardë dollarë) për vendet anëtare të BE-së për të mbështetur familjet dhe bizneset që po përballen me rritjen e çmimeve të energjisë”, tha ajo. “Në këto kohë, fitimet duhet të ndahen dhe të kanalizohen tek ata që kanë më shumë nevojë”, tha Von der Leyen. Masat do të zbatohen për prodhuesit e energjisë elektrike pa gaz, si dhe për kompanitë e karburanteve fosile që kanë përfituar në mënyrë disproporcionale nga çmimet e larta gjatë muajve të fundit. Taksat, të cilat ende duhet të miratohen nga kryeqytetet e BE-së, janë pjesë e një sërë masash për të trajtuar çmimet e larta të energjisë në nivel evropian.https://ata.gov.al/2022/09/14/bruksel-von-der-leyen-njofton-propozimin-legjislativ-per-vendosjen-e-taksave-ndaj-kompanive-te-energjise/