Një shpërthim goditi një tubacion gazi që lidh Lituaninë dhe Letoninë, në veri të vendit. Njoftimin e bëri transmetuesi publik lituanez LRT duke publikuar pamje të një zjarri në zonë dhe duke theksuar se nuk raportohet për viktima. Shpërthimi i tubacionit, i operuar nga operatori ”Amber Grid”, u raportua rreth orës 17:00, me orën lokale, në fshatin Pasvalio Vienkiemiai, në rrethin e Pasvalys. Një zëdhënëse e policisë tha se zona ngjitur me Valakėliain, me një popullsi prej rreth 250 banorësh, ishte evakuuar. Tubacioni transporton gaz në pjesën veriore të Lituanisë dhe Letonisë. ATA
- Advertisment -