Një dokumentar britanik tani synon të ofrojë qartësi me një analizë të ADN-së së Hitlerit.
Edhe pse ka dyshime rreth metodës dhe përfundimeve, magjepsja duket të jetë përsëri e madhe.
Gazeta ”Times” raportoi në mbulimin e saj të dokumentarit “ADN-ja e Hitlerit: Plani i një diktatori” se Hitleri kishte një çrregullim të fshehur gjenetik seksual.
Filmi gjithashtu trajton thashethemet se Hitleri kishte prejardhje të fshehtë hebraike.
Filmi është planifikuar të transmetohet sot në ”Channel 4” në Mbretërinë e Bashkuar.
”Channel 4” po promovon dokumentarin me sloganin “Për herë të parë, ekspertët identifikojnë ADN-në e Hitlerit. Çfarë zbulojnë gjenet e tij rreth trashëgimisë dhe origjinës së Hitlerit, neurologjisë dhe motiveve të tij?”
Ekipi kërkimor i dokumentarit raporton se ka gjetur indikacione të sindromës Kallmann në materialin gjenetik të Hitlerit, sipas raportimeve të medias britanike.
Te njerëzit me këtë sindromë, puberteti mungon ose nuk ndodh plotësisht.
Për shembull, tek djemtë, zhvillohet vetëm një sasi e vogël qimesh në trup dhe zëri mund të mbetet i hollë.
Karakteristikat e tjera seksuale mund të mos zhvillohen siç zhvillohen zakonisht tek të rriturit.
Megjithatë, përfundimet rreth personalitetit janë vështirësisht të arritshme.
“Disa nga njohuritë janë shkencërisht të sakta dhe do të kontribuojnë në debatin historik”, shkroi ”The Guardian”.
Megjithatë, përfundimet rreth veçorive të Hitlerit janë shkencërisht problematike.
Sipas informacionit, analiza e ADN-së bazohet në një mostër gjaku nga një divan që trupat amerikane e gjetën në bunkerin e Fyhrerit pas vdekjes së Hitlerit më 30 prill 1945 dhe humbjes së Gjermanisë në Luftën e Dytë Botërore.
Besohet se Hitleri ka vrarë veten në këtë divan me një të shtënë.
Prova se është gjaku i diktatorit thuhet se u dha në vitin 2008 përmes një krahasimi me ADN-në e një burri me paraardhës të përbashkët nga ana e babait.
