Donald Trump e konsideron presidentin amerikan Joe Biden një “armik të shtetit”. Duke folur me mijëra mbështetës në Wilkes-Barre, Pensilvani, ish-presidenti akuzoi Biden se kishte armatosur FBI-në kundër tij. “Bastisja ishte një nga abuzimet më tronditëse të pushtetit nga çdo administratë në historinë amerikane”, tha Trump. Ish-presidenti është aktualisht i përfshirë në çështje ligjore me autoritetet federale për disa dokumente të klasifikuara që FBI kapi muajin e kaluar. Sipas Autoritetet qeveritare, Trump mori dhe ruajti dokumentet e Shtëpisë së Bardhë në mënyrë të pahijshme, duke përfshirë disa të shënuara “tepër sekrete”, në shtëpinë e tij në Florida në resortin Mar-a-Lago. Lista zbulon gjithashtu se disa dokumente të shënuara si “sekret” dhe “tepër sekret”, janë gjetur në zyrën e Trump. Ish- presidenti, i cili po hetohet për abuzim me të dhënat e klasifikuara, mohon keqbërjen. Ndër sendet e gjetura pas kontrollit të paprecedentë të 8 gushtit në Mar-a-Lago ishin: 3- dokumente të shënuara si “konfidenciale” 17- dokumente të shënuara “sekret” 7- dokumente të shënuara “top sekret” 43- dosje bosh me banderola “të klasifikuara” 28- dosje bosh me etiketën “Kthimi te sekretari i stafit/ndihmës ushtarak” Pas largimit nga detyra, presidentët amerikanë duhet t’i transferojnë të gjitha dokumentet dhe e-mailet e tyre në Arkivin Kombëtar. Departamenti i drejtësisë po shqyrton nëse Trump i ka trajtuar në mënyrë të kokorrekte të dhënat, duke i çuar ato nga Shtëpia e Bardhë në pronën e tij në Mar-a-Lago. pasi ai u largua nga detyra në janar 2021. Prokurorët federalë tani thonë se ai mund të ketë penguar hetimin për posedimin e dokumenteve.https://lajme.rtsh.al/artikull/trump-biden-nje-armik-i-shtetit-bastisja-e-shtepise-sime-abuzim-trondites
- Advertisment -