Nismë e re me vendet partnere për mbrojtjen ajrore

Gjermania dhe dhjetëra vende të tjera kanë planifikuar të nisin sot një projekt bashkëpunimi për të ndërtuar një sistem më të mirë evropian të mbrojtjes ajrore. Ministrat e Mbrojtjes të vendeve pjesëmarrëse kanë planifikuar të mblidhen në një takim të NATO-s, në Bruksel. Gjate takimit pritet të nënshkruhet një deklaratë qëllimi për të ashtuquajturën “Iniciativa Evropiane e Mbrojtës Ajrore” (ESSI). Kancelari gjerman, Olaf Scholz njoftoi projektin në fund të gushtit. Ai tha se ndërtimi i një sistemi evropian i mbrojtjes ajrore do të ishte më ekonomik dhe më efikas se çdo vend që mund të ndërtonte sistemin e tij të shtrenjtë dhe kompleks të mbrojtjes ajrore. Scholz tha se Gjermania do të investonte shumë në mbrojtjen ajrore në vitet në vijim, dhe fqinjët evropianë mund të merrnin pjesë që në fillim në këtë projekt. Konkretisht ai përmendi Holandën, Poloninë, shtetet baltike të Estonisë, Letoninë dhe Lituaninë, Republikën Çeke, Sllovakinë dhe partnerët nga Skandinavia. Kërkesa për një mbrojtje më të mirë ajrore për Gjermaninë u bë emergjente pasi Rusia nisi sulmin e saj ndaj Ukrainës. Prandaj, projekti shihet gjithashtu si një përgjigje ndaj luftës, e cila tani ka zgjatur më shumë se gjysmë viti.https://ata.gov.al/2022/10/13/bruksel-gjermania-nisme-e-re-me-vendet-partnere-per-mbrojtjen-ajrore/