Zv.kryeministrja Belinda Balluku në fjalën e saj gjatë prezantimit të paketës anti-krizë ka bërë me dije se qeveria ka nisur projektin për mbështetjen e qytetarëve, i cili konsiston në vendosjen e paneleve diellore në tarracat e pallateve. Ky projekt do të konsistojë në ulje të konsumit energjetik me 20-30%. Po ashtu, Balluku njoftoi se nga data 1 nëntor Agjencia e Eficencës së Energjisë do të hapë një platformë ku të gjithë qytetarët do të aplikojnë për të ndërtuar impiantet. “Për sa kohë abonenti ka këtë mbrojtje, e ka të pamunudr të kuptojë se cfarë po ndodh. Ka ardhur momenti që të gjithë të kontribuojmë për të kursyer. Nëse kursejmë 1%, do të ishte ekuivalente e 28 milionë eurove. Ne duhet të fillojmë të reagojmë e të marrim masa. Ne kemi vendosur që të nisim një projekt me 2000 abonentë, që konsiston në mbështetje. Projekti konsiston në mbështetjen financiare për vendosjen e paneleve diellore në tarracat e pallatave dhe ngrohjen e ujit që konsiston në ulje të konsumit energjetik me 20-30%. Kjo nis që nga 1 tetori. Më 1 nëntor, Agjencia e Eficencës së Energjisë do të hapë një platformë ku të gjithë qytetarët do të aplikojnë për të ndërtuar impiantet”, tha Balluku.
- Advertisment -