Falë projektit “Në Fshat” të gjithë studentët do të kenë mundësi të praktikojnë njohuritë e tyre të shkollimit si dhe të fitojnë një përvojë unike duke eksploruar zona rurale të ndryshmë të Shqipërisë. Ministria e Bujqësisë dhe Zhvillimit Rural, në bashkëpunim me GIZ Albania, nisën vitin e kaluar, projektin “në Fshat”, duke sjellë për herë të parë një eksperiencë unike për studentët e UBT-së, e cila do të vijoj edhe këtë vit, nën logon “Në fshat 2” si një mundësi e shkëlqyer për të zhvilluar praktikë pune, teksa jetojnë një eksperiencë unike dhe argëtuese, gjatë së cilës mund të kontribuojnë me ide kreative për krijimin e modelit të fshatit turistik shqiptar. Këtë vit, thirrja për t’iu bashkuar këtij projekti, është e hapur për të gjithë studentët. Studentët mund të aplikojnë deri më 15 shtator për t’u bërë pjesë e projektit “Në Fshat 2” dhe kontribuojnë me idenë e tyre në krijimin e modelit të fshatit turistik shqiptar. “Në Fshat 2”, do të përfshijë 24 studentë që do të eksplorojnë 4 fshatra duke jetuar e punuar aty për 2 javë.
- Advertisment -