Në disa lagje të Prishtinës vazhdon të mos ketë ndriçim publik

Shumë lagje në kryeqytet nuk kanë fare ndriçim. E gjithë kjo për shkak të mosfunksionimit të ndriçimit publik. Qytetarët thonë se mungesa e ndriçimit paraqet problem si për frekuentimin po ashtu edhe për çështje të sigurisë. Qytetarët kanë thënë për RTK-në se për shkak të errësirës në rrugë po i frikësohen edhe më të keqes, sulmit të qenve endacak apo edhe kriminelëve të ndryshëm. “Fëmija kur të vijnë prej shkollës ka shumë qenë endacak. Pa drita është shumë problem. Është rrezik për fëmijët dhe qytetarët e kësaj lagje. Edhe dimri tash po afrohet, dita vjen duke u shkurtuar, nata zgjatet dhe shumë e kemi problem në këtë lagje”, ka theksuar Lirije Marmullaku qytetare. Nga Komuna e Prishtinës thonë se përveç mirëmbajtjes së ndriçimit, problem tjetër është se në disa lagje nuk ka fare ndriçim. “Në rrugën Ukshin Kovaçica jemi duke e pritur kontratën e zgjerimit të ndriçimit publik për arsye se problemi është pak ma i madh, pra nuk ka të bëjë vetëm me mirëmbajtje të ndriçimit mirëpo ndriçimi në këtë rrugë nuk ekziston fare, andaj jemi duke e pritur kontratën e zgjerimit me të cilën nënkuptojmë edhe shtrirjen instalimin e ndriçimit publik, duke e ditur se aty duhet të ndërhyjmë edhe me shtylla me kabllo dhe gjithçka tjetër”, ka thënë Ilirik Musliu drejtor i Shërbimeve Publike. Sipas Musliut, në rrugën ‘Haxhi Zeka’ dhe ‘28 Nëntori’ problemi është vetëm te mirëmbajtja, e që së shpejti do të intervenohet nga operatori ekonomik.https://www.rtklive.com/sq/news-single.php?ID=621127