Këshilli i Ministrave miratoi sot vendimin për dhënien e një ndihme financiare prej 1 milion eurosh Turqisë, si mbështetje për dëmet e shkaktuara nga tërmetet e forta që goditën këtë vend mëngjesin e 6 shkurtit. Zëvendësministrja për Evropën dhe Punët e Jashtme, Megi Fino bëri të ditur se, krahas ndihmës financiare, Shqipëria dërgoi në Turqi edhe ekipe kërkim–shpëtimi, nga Forcat e Armatosura, Emergjencat Civile dhe ekipet shëndetësor, të cilët kontribuuan përgjatë 11 ditëve në operacionet e kërkim-shpëtimit në zonat e shkatërruara. “Objektivi kryesor është ardhja në ndihmë dhe sigurimi i mbështetjes shumëpalëshe të Shqipërisë për një vend mik si Turqia. Ndihma financiare është edhe një shenjë reciprociteti ndaj ndihmës së menjëhershme që Turqia i dha Shqipërisë pas tërmetit të 26 nëntorit 2019”, tha zv/ministrja Fino. atsh
- Advertisment -