Ndihmës Administratorja e USAID për Evropën dhe Euro-Azinë, Ambasadorja Erin E. McKee, e nisi udhëtimin e saj në Shqipëri me një vizitë në Hidrocentralin e Vaut të Dejës. Ky hidrocentral menaxhohet nga KESH (Koorporata Elektroenergjitike Shqiptare), të cilin USAID e ka pajisur me mjetet e nevojshme për t’ju përgjigjur mundësive të tregut në të ardhmen dhe për të garantuar një furnizim të vazhdueshëm energjie për shqiptarët. Gjatë vizitës, Ambasadorja McKee, bashkë me CEO-n e KESH Ergys Verdho, menaxherin e Projektit Hugh Morrison dhe menaxheren e zhvillimit të biznesit nga Bechtel, Ela Ruci diskutuan gjithashtu në lidhje me zhvillimin e Hidrocentralit të Skavicës. Në këtë takim u vu theksin në faktin se, ndërtimi i Hidrocentralit të Skavicës, paraqet një mundësi të mirë për të forcuar pavarësinë energjetike të Shqipërisë teksa vendi shkon drejt anëtarësimit në BE.
