Ndërhyrje restauruese në sitet kulturore të Kosovës

Në Kosovë po kryhen ndërhyrje restauruese në kuadër të programit “Trashëgimia Kulturore si nxitëse e dialogut ndërmjet komuniteteve dhe kohezionit social”. Ky program vjen si bashkëpunim mes Ministrisë së Kulturës, Bashkimit Europian dhe UNDP-së, ndërsa po zbatohet nga organizata Trashëgimia Kulturore pa Kufij. Në kuadër të këtij programi parashihet restaurimi i dhjetëra aseteve të trashëgimisë kulturore të Kosovës. Ministri Çeku bashkë me partnerët nga zyra e BE dhe UNDP ishin për vizitë në Novobërdë, ku kanë filluar punimet restauruese në xhaminë e Osman Efendisë. Këtë vizitë e zhvilluan në muajin e trashëgimisë evropiane dhe kur festohet trashëgimia e qëndrueshme, ndërkohë takuan studentët e arkitekturës dhe të trashëgimisë kulturore që janë pjesë e kampit të restaurimit. Ky grup studentësh po mësojnë teknikat e ruajtjes dhe restaurimit përmes mësimit teorik dhe duke e aplikuar në praktikë.https://ata.gov.al/2022/09/28/nderhyrje-restauruese-ne-sitet-kulturore-te-kosoves/