NASA zgjedh kryetaren e re të Drejtorisë së Shkencës

Administratori i Agjencisë Amerikane të Hapësirës (NASA), Bill Nelson ka bërë me dije se D.r Nicola Fox është zgjedhur kryetare e departamentit të Heliofizikës. E përfshirë në më shumë se 100 misione të NASA-s për eksplorimin e sekreteve të universit, Fox tashmë do të jetë në krye të Drejtorisë së Shkencës të NASA. Fox filloi karrierën e saj në NASA në 2018 duke udhëhequr Divizionin e Heliofizikës, duke mbikëqyrur përpjekjet e agjencisë për të studiuar Diellin dhe se si era e tij e vazhdueshme diellore ndikon në Tokë dhe planete të tjerë. Para kësaj, ajo punoi në Laboratorin e Fizikës së Aplikuar të Universitetit Johns Hopkins, ku ishte shkencëtarja kryesore për heliofizikën dhe shkencëtarja e projektit për Sondën Diellore Parker të NASA-s. Në vitin 2021, Fox iu dha Çmimi Përkujtimor Carl Sagan i Shoqatës Amerikane Astronautike për udhëheqjen e saj të demonstruar në fushën e heliofizikës me projekte, programe dhe përvojë të gjerë mbikëqyrëse. Ajo është gjithashtu një marrëse e Medaljes së Lidershipit të Jashtëm të NASA-s, dhënë në vitin 2020. Rtsh