“MUZ”, një performancë e veçantë arti bashkëkohor vizual nga artistja Suida Dushi, do të zhvendoset në Tiranë, pas suksesit që pati në Shkodër, ku shndërroi ambientet e bashkisë në një galeri arti.
Këtë vit, MUZ vjen me një mision më të gjerë, ku çdo vepër artistike do t’i përshtatet trashëgimisë kulturore të qyteteve ku do të zhvillohet, ritmit të qytetit, frymës njerëzore, ngjyrave, ndjesive, të lidhura me të shkuarën e largët dhe të tashmen.
Një ndërthurje me elementë shekullorë dhe modernë, me arkitekturën dhe urbanistikën e qyteteve, falë rrjedhshmërisë së veprës së artit, që ta jep këtë mundësi.
