MSHMS: 47 raste të reja me COVID

Ministria e Shëndetësisë dhe Mbrojtjes Sociale njoftoi sot se në 24 orët e fundit janë kryer 852 testime, nga të cilat kanë rezultuar pozitivë me COVID-19, 47 qytetarë. Sipas MSHMS, rastet pozitive rezultuan në këto bashki: 27 në Tiranë, 7 në Sarandë, 5 në Shkodër, 3 në Gjirokastër, nga 1 qytetar në Durrës, Mat, Mallakastër, Elbasan, Gramsh. MSHMS informoi se janë 398 qytetarë aktivë me COVID-19 në të gjithë vendin, ndërsa aktualisht në spitalin COVID 3 po marrin trajtim 4 pacientë. “Në 24 orët e fundit nuk ka asnjë humbje jete me Sars-Cov-2. Janë shëruar 81 qytetarë gjatë 24 orëve të fundit, duke e çuar numrin e të shëruarve në 327,204 që nga fillimi i epidemisë”, theksoi MSHMS.http://ata.gov.al/2022/10/04/mshms-47-raste-te-reja-me-covid-19-ne-24-oret-e-fundit/