MSHMS: 40 të infektuar me COVID-19 dhe një humbje jete

Ministria e Shëndetësisë dhe Mbrojtjes Sociale informoi sot se në 24 orët e fundit nga 741 testime të kryera, kanë rezultuar pozitivë me COVID-19, 40 qytetarë. Sipas MSHMS, rastet pozitive rezultuan në këto bashki: 17 qytetarë në Tiranë, nga 4 qytetarë në Vlorë, Sarandë, Gjirokastër, 3 në Durrës, 2 në Lezhë, nga 1 qytetar në Shkodër, Fier, Lushnjë, Këlcyrë, Skrapar, Gramsh. “Janë 246 qytetarë aktivë me COVID-19 në të gjithë vendin. Aktualisht në spitalin COVID 3 po marrin trajtim 2 pacientë. Në 24 orët e fundit ka 1 humbje jete me Sars-Cov-2: një paciente 71 vjeç, nga Tirana”, informon Ministria. “Janë shëruar 35 qytetarë gjatë 24 orëve të fundit, duke e çuar numrin e të shëruarve në 327,831 që nga fillimi i epidemisë”, thuhet në njoftim.http://ata.gov.al/2022/10/25/mshms-40-te-infektuar-me-covid-19-dhe-nje-humbje-jete/