Qindra mijëra banorë në Bullgari ishin sot pa energji elektrike, pas fillimit të hershëm të motit të ashpër të dimrit në fundjavë, i cili goditi vendin me erëra të forta dhe reshje të dendura. ”Linjat e dëmtuara të energjisë elektrike nuk mund të riparohen ende për shkak të rreziqeve kërcënuese për jetën”, thanë furnizuesit e energjisë elektrike. Në shumë zona u ndërpre furnizimi me ujë. Shërbimet e telefonisë celulare gjithashtu nuk funksiononin në pjesë të Bullgarisë. Më të prekura ishin veriu dhe verilindja e Bullgarisë. Gjendja e jashtëzakonshme në disa rajone, e shpallur të dielën, vazhdoi edhe të hënën. Pemët e rrëzuara dhe degët e thyera bllokonin rrugët dhe ishin një shqetësim i madh për shërbimet e urgjencës dhe banorët.
