Moti i keq probleme në lundrimin e trageteve, vonesa në nisjen drejt Italisë

Gjiri i Durrësit vazhdon të jetë i përfshirë nga moti i keq, me erë dhe dallgë të forta. Burime nga Autoriteti Portual Durrës bëjnë të ditur se dy tragetet e planifikuar për tu nisur nga Durrësi drejt Barit mbrëmjen e djeshme, janë nisur vetëm sot në mëngjes me 6 dhe 7 orë vonesë. Mbrëmjen e djeshme pasagjerët janë njoftuar për nisjen me vonesë të trageteve drejt Italisë, ndërkohë që tragetet që u nisën dje nga Bari, kanë mbërritur mëngjesin e sotëm rreth orës 08.00 sipas orarit të parashikuar, pa vonesa. Era e fortë ka qenë prezente në të dy brigjet e Adriatikut dhe kjo ka sjellë vështirësi në lundrimin e trageteve. Ndërkaq, kapiteneria e portit të Durrësit ka njoftuar pronarët e mjeteve të tonazhit të ulët dhe të mesëm që të marrin masa për të qëndruar të akostuar në kalatë në pritje të përmirësimit të motit.https://lajme.rtsh.al/artikull/durres-moti-i-keq-shkakton-veshtiresi-ne-lundrimin-e-trageteve-vonesa-ne-nisjen-drejt-italise