Moti i keq: Menaxhim i problematikave në akset rrugore dhe linjat e shpërndarjes së energjisë

Ministrja e Infrastrukturës dhe Energjisë, Belinda Balluku informoi sot se të gjitha skuadrat e mirëmbajtjes së ARRSH, OSSHE dhe OST kanë përballuar me sukses çdo problem të sjellë nga moti i keq që ka përfshirë vendin në 24 orët e fundit. “Kemi pasur natë të vështirë në të gjithë territorin e Shqipërisë. Reshje me intensitet të lartë, stuhi të vazhdueshme kanë bërë që akset rrugore dhe linjat e shpërndarjes së energjisë elektrike të jenë akoma dhe tani nën situata komplekse”, tha Balluku në një postim në rrjetet sociale. Ministrja Balluku bëri të ditur se akset kombëtare janë të aksesueshme dhe punohet për t’i mbajtur të hapura, ndërkohë që defektet e linjave të shpërndarjes janë rikuperuar në kohë rekord sa herë stuhia i ka goditur. Ajo falënderoi punonjësit e ARRSH, OSSHE dhe OST, që përballuan me sukses provën e parë të mirëmbajtjes dimërore.https://ata.gov.al/2022/11/20/moti-i-keq-balluku-menaxhim-ne-kohe-i-problematikave-ne-akset-rrugore-dhe-linjat-e-shperndarjes-se-energjise/