Molekulat më të vjetra të botës me ngjyrën e ndritshme

Shkencëtarët thonë se kanë zbuluar ngjyrat më të vjetra biologjike të mbijetuara në botë nga shkëmbinj të lashtë nën shkretëtirën e Saharasë. Pigmente 1,1 miliard vjeçare kanë një ngjyrë rozë të ndritshme, por shkojnë nga e kuqja e gjakut deri në të purpurt të thellë në formën e tyre të koncentruar. Pigmentet janë molekula të fosilizuara të klorofilit të prodhuar nga organizmat e detit, thanë shkencëtarët australianë. Hulumtuesit kanë gjurmuar në shkëmbinjtë argjilor për nxjerrjen e pigmentit. “Imagjinoni që mund të gjeni një lëkurë të fosilizuar të dinozaurëve që ende ka ngjyrën e saj origjinale, jeshile ose blu … kjo është pikërisht lloji i zbulimit që ne kemi bërë”, tha Prof Jochen Brocks, nga Universiteti Kombëtar Australian (ANU), shkruan BBC. “Këto janë molekulat më të vjetra me ngjyrë në botë. Kur mbahen në të kundërt me rrezet e diellit, ato janë në të vërtetë një trëndafil i zjarrtë”,shtoi ai.