Miratohet Strategjia Kombëtare për Zhvillim dhe Integrim 2020-2030

Këshilli i Ministrave miratoi sot në mbledhjen e radhës Strategjinë Kombëtare për Zhvillim dhe Integrim 2020-2030. Kryenegociatorja Majlinda Dhuka deklaroi pas mbledhjes së qeverisë se, Strategjia është boshti kryesor i orientimit të zhvillimit të vendit në rrugën e anëtarësimit në Bashkimin Europian. “Strategjia ka një vizion të qartë, ndërtimin e një ekonomie dinamike, pjesë e BE dhe rajonit, që ofron kushte të barabarta për rritjen e mirëqenies së të gjithë qytetarëve, mbështetur në një demokraci funksionale që garanton liritë dhe të drejtat themelore të njeriut”, tha Dhuka. Ajo bëri të ditur se, 6 prioritete madhore parashikohen për vitet 2020-2030. “Integrimi evropian, si qëllimi parësor i Strategjisë, por edhe i Shqipërisë dhe aspiratës së qytetarëve shqiptarë, lufta ndaj korrupsionit, energjia, bujqësia, turizmi dhe dixhitalizimi”, renditi Dhuka si prioritete. atsh