Ministrat e Jashtëm të NATO-s do të takohen sot në Bruksel për të diskutuar disa çështje të sigurisë, duke përfshirë luftën e Rusisë kundër Ukrainës dhe tensionet e rritura midis Serbisë dhe Kosovës. ”Ministrat pritet gjithashtu të diskutojnë veprimet destabilizuese të Rusisë edhe jashtë Ukrainës gjatë takimit dy-ditor”, theksoi për mediat sekretari i NATO-s, Jens Stoltenberg. Kjo përfshin akuzat nga Helsinki se ”Moska kohët e fundit lejoi dhjetëra emigrantë pa dokumente nga Lindja e Mesme dhe Afrika të udhëtonin përmes Rusisë në Finlandë”. Në agjendë janë edhe tensionet në rritje mes Serbisë dhe Kosovës. NATO ka vendosur trupa shtesë në muajt e fundit për të forcuar forcën e saj paqeruajtëse në Kosovë pas një sulmi të dhunshëm ndaj policisë së Kosovës. “NATO do të bëjë atë që është e nevojshme për të ruajtur stabilitetin në këtë rajon. Është e rëndësishme për NATO-n. Ne kemi një histori atje, kemi një prani atje”, theksoi Stoltenberg. Anëtarët e NATO-s do të shkëmbejnë gjithashtu pikëpamje mbi marrëdhëniet me Kinën dhe konfliktin në Lindjen e Mesme.
