Marsi ka shenja të një megacunami të tre miliardë viteve më parë

Megacunami që tronditi Marsin 3,4 miliardë vjet më parë, me dallgë deri në 250 metra të larta mund të jetë shkaktuar nga një asteroid si ai ”Chicxulub”, i cili goditi Tokën 66 milionë vjet më parë duke shënuar zhdukjen e dinosaurëve. Në Mars është zbuluar një krater me diametër 110 kilometra, që mund të jetë krijuar pikërisht nga përplasja. Kjo tregohet nga simulimet e publikuara në revistën ”Scientific Reports” nga një grup ndërkombëtar i udhëhequr nga Alexis Rodriguez i Institutit të Shkencave Planetare të Tucson, SHBA. Duke analizuar hartat e sipërfaqes së Marsit, të krijuara nga kombinimi i imazheve nga misionet e mëparshme në planet, studiuesit identifikuan një krater të veçantë që e quajtën ”Pohl”. Studimet e mëparshme kishin sugjeruar se planti mund të mbulohej nga një oqean rreth 120 metra i thellë. Bazuar në moshën e shkëmbinjve të tij, krateri ”Pohl” mund të jetë formuar rreth 3,4 miliardë vjet më parë.https://ata.gov.al/2022/12/03/marsi-ka-shenja-te-nje-megacunami-te-tre-miliarde-viteve-me-pare/